შემფასებელთა და ექსპერტთა პროფესიული განვითარების ცენტრის სერტიფიკაციის ორგანო
სერტიფიკაციის სქემა #3
მოძრავი ქონების შეფასების სფეროში
შინაარსი:
1. მიზანი და გამოყენების სფერო
2. განმარტებები
3. ზოგადი მოთხოვნები (კომპეტენტურობა)
4. განაცხადი და სერტიფიკაციის საფასური
5. სერტიფიკაციის პროგრამა (სამუშაოს და დავალებების აღწერა)
6. სერტიფიკატის გაცემა და ვადები
7. აპელაცია
8. სერტიფიცირებულ პირთა ინფორმაციული უზრუნველყოფა და კვალიფიკაციის ამაღლება
9. რესერტიფიკაცია
10. რეესტრი
11. ზედამხედველობა
12. სერტიფიკრებული პირის პასუხისმგებლობა
1. მიზანი და გამოყენების სფერო
საქართველოს კანონის „ბუღალტრული აღრიცხვის, ანგარიშგების და აუდიტის შესახებ“ მე-8 თავის, 28-ე მუხლის, მე-8 პუნქტის შესაბამისად, სერტიფიკაციის სქემა განსაზღვრავს უძრავი ქონების შეფასების სფეროში პროფესიული სერტიფიკაციის ჩატარების წესებსა და პროცედურებს.
სერტიფიკაციის სქემა შემუშავებულია სსტ ისო/იეკ 17024: 2012/2014 სტანდარტის მოთხოვნათა და შეფასების საერთაშორისო სტანდარტების კომიტეტის (IVS) - სტანდარტების გათვალისწინებით.
სერტიფიკაციის სქემის მფლობელია სერტიფიკაციის ორგანო.
სერტიფიკაციის სქემის შეცვლა შეიძლება, თუ ამას ითხოვს სახელმწიფოს მიერ დადგენილი მოთხოვნები, განხორციელებული საკანონმდებლო ცვლილებები ან სფეროს/ბაზრის საქმიანობის თავისებურებები. სერთიფიკაციის სქემის შემუშავება და შესწორებების შეტანა ხდება საპროცედური კომიტეტთან შეთანხმებით. საპეოცედურო კომიტეტი წელიწადში ერთხელ ახორციელებს სერტიფიკაციის სქემების გადახედვას და დამტკიცებას.
. პროფესიის განსაზღვრა და მოთხოვნები
მოძრავი ქონების შემფასებელი - პიზიკური პირი, რომელიც ახორციელებს უძრავი ქონების შეფასებას IVS (international Valuation Standards - შეფასების საერტაშორისო სტანდარტები) სტანდარტების შესაბამისად, დამსაქმებლის ან სხვა დაინტერესებული პირის დაკვეთით. ფლობს შესაბამისობის დამადასტურებელ დოკუმენტს (სერტიფიკატს), რომელიც გაცემულია აკრედიტაციის ერთიანი ეროვნული ორგანოს - აკრედიტაციის ცენტრის აკრედიტირებული, სერტიფიკაციის ორგანოს მიერ.
სერტიფიკაციის აღნიშნული სქემა არ ადგენს სპეციალურ მოთხოვნებს საქმიანობის უსაფრთოებისთვის და გარემოს დაცვისათვის.
შეფასების განხორციელებისას, სავალდებულოა გათვალისწინებული იყოს სამუშაო გარემოსთან დაკავშირებული ტექნიკური მოთხოვნები, რომლებიც დგინდება სამართლებრივ-ნორმატიული აქტებით და დამკვეთის კონტრაქტის პირობებით
შემფასებელი ვალდებულია შეესაბამებოდეს ქვეყანაში ასებულ რეგულაციებს შეფასების სფეროში. საქართველოს კანონის „ბუღალტრული აღტიცხვის, ანგარიშგების და აუდიტის შსახებ“ მე-8 თავის, მე-8 პუნქტის შესაბამისად, სერტიფიკაციის სქემა განსაზღვრავს მოძრავი ქონების შეფასების სფეროში პროფესიული სერტიფკაციის ჩატარების წესებს და პირობებს.
სერტიფიკაციის სქემა ითვლება აუცილებელ და ძირითად დოკუმენტად სერტიფიკაციის პროცესში მონაწილე მხარეებისათვის.
2. განმარტებები
წინამდებარე სქემაში გამოყენებულია შემდეგი ტერმინები და განმარტებები:
მოძრავი ქონების საშემფასებლო საქმიანობა (შემდგომში საშემფასებლო საქმიანობა) – პროფესიული საქმიანობა, რომელიც დაკავშირებულია მოძრავი ქონების ღირებულების შეფასებასა და საკონსულტაციო მომსახურების გაწევასთან.
მოძრავი ქონების შემფასებლის სერტიფიკატის მაძიებელი (შემდგომში სერტიფიკატის მაძიებელი) - პირი, რომელსაც შემოაქვს განაცხადი სერტიფიცირებაზე, აღიარებს სერტიფიკაციის ორგანოს მიერ დამტკიცებულ სერტიფიკაციის სქემებს.
სერტიფიკაციის ორგანო – საქართველოს ეროვნული აკრედიტაციის ორგანო – აკრედიტაციის ცენტრის მიერ აკრედიტებული იურიდიული პირი, რომელიც ამ სქემით დადგენილი წესით ახორციელებს ფიზიკური პირების სერტიფიცირებას და მის მიერ სერტიფიცირებული პერსონალის საქმიანობის სერტიფიკაციის პირობებთან შესაბამისობის კონტროლს;
საპროცედურო კომიტეტი – სერტიფიკაციის ორგანოს წარმომადგენლობითი ერთეული, რომელიც დაკომპლექტებულია სფეროს ექსპერტებით.
სერტიფიცირება – სერტიფიკაციის ორგანოს მიერ შემფასებლის კვალიფიციურობის და შესაბამისობის აღიარება;
სერტიფიკატი – დოკუმენტი, რომელიც ადასტურებს სპეციალისტის პროფესიულ კვალიფიკაციას, მის შესაბამისობას ბაზრის და კანონმდებლობის მოთხოვნებთან და განსაზღვრავს პროფესიული საქმიანობის ვადას და სფეროს;
სერტიფიცირებული მოძრავი ქონებს შემფასებელი (შემდგომში შემფასებელი) – პირი, რომელმაც იცის, ესმის და შეუძლია სწორად გამოიყენოს ის აღიარებული მეთოდები და წესები, რომლებიც აუცილებელია საიმედო შეფასების მისაღწევად, წარმატებით გაიარა სერტიფიკაციის პროგრამა და ფლობს შესაბამის სერტიფიკატს.
სერტიფიკაციის რეესტრი – სერტიფიკატის გაცემის, მოქმედების შეჩერების, მოქმედების ვადის გაგრძელებისა და განახლების, მისი გაუქმების და ასლის გაცემის შესახებ მონაცემთა ერთობლიობა;
სერტიფიკაციის საფასური – სავალდებულო მოსაკრებელი, რომელსაც სერტიფიკატის მაძიებელი იხდის სერტიფიკაციის ორგანოს მიერ დადგენილი ოდენობით და წესით, სერტიფიკაციის პროცესში მონაწილეობისათვის.
სერტიფიკაციის პროგრამა – სერტიფიკაციის ორგანოს მიერ შემუშავებული და დამტკიცებული საგამოცდო პროგრამა, რომელიც შედგება 2 ნაწილისაგან და მოიცავს ტესტირებისა და პრაქტიკული სამუშაოს შესრულების ეტაპებს, ავლენს სერტიფიკატის მაძიებელი პირის პროფესიული ცოდნის დონეს და პრაქტიკულ უნარ-ჩვევებს.
ტესტი - თეორიული და პრაქტიკული ხასიათის კითხვა 4 სავარაუდო პასუხით, რომელთაგან სწორია მხოლოდ ერთი.
პრაქტიკული სამუშაო - ემსახურება თეორიული ცოდნის პრაქტიკულ საქმიანობაში გამოვლენას, სერტიფიკაციის პროგრამის შესაბამისად, დამოუკიდებლად შერჩეული ბიზნესის ღირებულების შეფასების დასკვნის წარდგენით.
შეფასების ანგარიში _ წერილობითი დოკუმენტი შეფასებული ღირებულების შესახებ, რომელიც მიეწოდება კლიენტს.
ზედამხედველობა _ სერტიფიცირებული პირების საქმიანობის შესაბამისობის შეფასება.
რესერტიფიკაცია – კვალიფიციურობის და შესაბამისობის დადასტურება სერტიფიკატის მოქმედების ვადის გასვლის შემდეგ;
გამიზნული მომხმარებელი - სუბიექტი, რომელზეც პირდაპირ ან ირიბად მოქმედებს შეფასების ანგარიში.
3. ზოგადი მოთხოვნები (კომპეტენტურობა)
სერტიფიკაციაზე განაცხადის შემოტანა შეუძლიათ, პირებს, რომლებსაც:
• მიღებული აქვს უმაღლესი ან პროფესიული განათლება ან აქვს შესაბამისი სამუშაო გამოცდილება (მინიმუმ 1 წლიანი);
• აღიარებს სერტიფიკაციის ორგანოს მიერ დამტკიცებულ სერტიფიკაციის სქემას.
სერტიფიკატის მაძიებლებს მოძრავი ქონების შეფასების სფეროში უნდა გააჩნდეთ თეორიული ცოდნა და ჰქონდეთ ჩამოყალიბებული პრაქტიკული ჩვევები, რათა შეძლონ საგამოცდო პროგრამაში მონაწილეობა. ისინი უნდა იცნობდნენ “შეფასების საერთაშორისო სტანდარტებს“ (IVS) და აკმაყოფილებდნენ ამ სტანდარტით დადგენილ ნორმებს.
4. განაცხადი და სერტიფიკაციის საფასური
სერტიფიკატის მაძიებელმა სერტიფიკაციის ორგანოში უნდა წარადგინოს (შესაძლოა ელექტრონულად):
• შევსებული განაცხადი, რომელშიც ასახული უნდა იყოს მოთხოვნილი სერტიფიკაციის სფერო;
• პირადობის დამადასტურებელი დოკუმენტის (პირადობის მოწმობის ან პასპორტის) ასლი;
• განათლებისა და მუშაობის გამოცდილების აღწერა (CV);
• განათლების დამადასტურებელი საბუთ(ებ)ის ასლი;
განაცხადის და თანდართული დოკუმენტების მიღებისა და განხილვის შემდეგ სერტიფიკაციის ორგანოს თანამშრომელი მაძიებელს აცნობს სერტიფიკაციის სქემას და სერტიფიკაციის პირობებს.
იმ შემთხვევაში, თუ მაძიებელი ეთანხმება სერტიფიკაციის სქემას და პირობებს, წარმოადგენს სერტიფიკაციის საფასურის გადახდის დამადასტურებელ ქვითარს, ხდება მისი ჩართვა საგამოცდო პროგრამაში.
სერტიფიკაციის ორგანო სულ მცირე 5 დღით ადრე ყველა მაძიებელს აცნობებს გამოცდის ჩატარების დროსა და ადგილს.
სერტიფიკაცია ფასიანია და მისი საფასური შედგება ორი კომპონენტისაგან: ტესტირების გადასახადი და პრაქტიკული სამუშაოს გადასახადი. საფასურს ადგენს სერტიფიკაციის ორგანო.
5. სერტიფიკაციის პროგრამა
საგამოცდო პროგრამას საპროცედურო კომიტეტთან შეთანხმებით შეიმუშავებს და ამტკიცებს სერტიფიცირების ორგანო. მისი განახლება შესაძლებელია საკანონმდებლო ცვლილებებისა და სფეროს/ბაზრის მოთხოვნების გათვალისწინებით.
საგამოცდო პროგრამაში მონაწილეობენ სერტიფიკაციის ორგანოს ექსპერტები და ასევე მოწვეული ექსპერტები. სერტიფიკაციის პირველი ეტაპის - ტესტირების დროს საკმარისია ერთი გამომცდელის მონაწილეობა, ხოლო სერთიფიკაციის მე-2 ეტაპის - პრაქტიკული სამუშაოს განხილვის დროს, განხილვაში მონაწილეობს 3 ექსპერტი. ექსპერტებს, რომლებიც წარმართავენ გამოცდას არ უნდა ჰქონდეთ გაწეული მაძიებლებისთვის სასწავლო-საკონსულტაციო მომსახურება.
გამოცდის მსვლელობას შესაძლებელია დაესწროს დამკვირვებელი. იგი აკვირდება საგამოცდო პროცესს და გამომცდელის უნარებს.
საგამოცდო პროგრამა შედგება ორი ნაწილისაგან და მოიცავს ტესტირებისა და პრაქტიკული სამუშაოს შესრულების ეტაპებს. მისი მიზანია სერტიფიკატის მაძიებელი პირის თეორიული ცოდნის დონისა და პრაქტიკული უნარ-ჩვევების გამოვლენა.
I ეტაპი – ტესტირება. ტესტირება საგამოცდო ბილეთის შესრულების საფუძველზე ხორციელდება. საგამოცდო ბილეთები შედგება ტესტებისაგან. ტესტები ინტეგრირებულია კომპიუტერულ პროგრამაში, რომელიც უზრუნველყოფს ინდივიდუალური და თანაბარი სირთულის საგამოცდო ბილეთის შედგენას თითოეული მაძიებლისათვის.
ტესტირებისათვის გამოყოფილი დროის ხანგრძლივობა შეადგენს 2 საათს.
II ეტაპი – პრაქტიკული სამუშაოს შესრულება.
სერტიფიკატის მაძიებლები, რომელთა ტესტირების ქულა შეადგენს მაქსიმალური შედეგის სამოცდაათ ან მეტ პროცენტს, ტესტირებიდან 6 თვის განმავლობაში, უფლებამოსილნი არიან მონაწილეობა მიიღონ საგამოცდო პროგრამის მეორე ეტაპში, ანუ შეასრულონ პრაქტიკული სამუშაო.
გამოცდაზე დაგვიანების ან გამოუცხადებლობის შემთხვევაში, წინასწარი შეტყობინების არარსებობისას, მაძიებელს საგამოცდო პროგრამაში მონაწილეობა შეუძლია მოითხოვოს არაუადრეს ერთი თვისა.
მაძიებლები, რომლებმაც დაარღვიეს საგამოცდო პროცედურები, შეცდომაში შეიყვანეს სერტიფიცირების ორგანო, გამოიყენეს რაიმე სახის დამხმარე საშუალებები, მიიღეს დახმარება სხვა პირებისგან ან თვითონ გაუწიეს დახმარება სხვას, ირიცხებიან გამოცდიდან.
მაძიებლები ვალდებულნი არიან დაიცვან კონფიდენციალობა, არ აქვთ უფლება საგამოცდო მასალის გამჟღავნების და ასევე ტესტების თაღლითურ პრაქტიკაში მონაწილეობის.
სერტიფიკაციის შედეგების შესახებ მაძიებელს აცნობებს სერტიფიკაციის ორგანო.
5.1 საგამოცდო ქულების გამოთვლა და შეფასების მეთოდი
საგამოცდო ბილეთი შედგება 40 საკითხისგან, აქედან: 2 თემიდან – “ქონებასთან დაკავშირებული იურიდიული ასპექტები”, 10 თემიდან - “მოძრავი ქონების შეფასების მეთოდოლოგიური საფუძვლები”, 7 თემიდან - “მოძრავი ქონების ცვეთა”, 7 თემიდან – “მოძრავი ქონების შეფასება: შემოსავლების მიხედვით მიდგომა”; 7 თემიდან - “მოძრავი ქონების შეფასება: დანახარჯების მიხედვით მიდგომა”; 7 თემიდან - “მოძრავი ქონების შეფასება: გაყიდვების შედარების მიხედვით მიდგომა”; ტესტების შედეგების შეჯამების საფუძველზე ხდება საბოლოო შეფასების - ტესტირების ქულის გამოყვანა.
სერტიფიკატის მაძიებლები, რომელთა ტესტირების ქულა შეადგენს მაქსიმალური შედეგის სამოცდაათ ან მეტ პროცენტს, ტესტირებიდან 6 თვის განმავლობაში, უფლებამოსილნი არიან მონაწილეობა მიიღონ საგამოცდო პროგრამის მეორე ეტაპში, ანუ შეასრულონ პრაქტიკული სამუშაო.
პრაქტიკული სამუშაო წარმოადგენს მოძრავი ქონების შეფასების ანგარიშის მომზადებას შეფასების 2 მიდგომის გამოყენებით. ქონებას თავისი სურვილით ირჩევს მაძიებელი.
შესრულებულ შეფასების ანგარიშს მაძიებელი წარადგენს სერტიფიკაციის ორგანოში და ახდენს მის პრეზენტაციას საგამოცდო კომისიასთან. (ანგარიშის განხილვა შესაძლებელია ონლაინ მეთოდით. კერძოდ, მაძიებელი ონლაინ ახორციელებს კომისიის წინაშე ანგარიშის პრეზენტაციას). შედეგებს საგამოცდო კომისიის თითოეული წევრი აფასებს. შეფასება შეიძლება იყოს დადებითი ან უარყოფითი. დადებით შეფასებას დაიმსახურებს მაძიებელი, თუ:
• მის მიერ შესრულებული შეფასების ანგარიში შედგენილია შეფასების საერთაშორისო სტანდარტების (IVS) მოთხოვნების შესაბამისად;
• მოახდენს აღნიშნული ანგარიშის პრეზენტაციას და თავისი ნაშრომის სათანადო დონეზე წარმოდგენას.
ერთერთი კომპონენტის სათანადოდ შეუსრულებლობის შემთხვევაში, შეფასება იქნება უარყოფითი.
მაძიებლის საგამოცდო შედგები გადაეცემა სერტიფიკაციის ორგანოს საბოლოო გადაწყვეტილებისათვის.
უარყოფითი შეფასების მიღების შემთხვევაში, მაძიებელს უნარჩუნდება ტესტირების ქულა და უფლება ეძლევა საგამოცდო პროგრამის მეორე ეტაპი გაიაროს განმეორებით ექვსი თვის განმავლობაში.
სერტიფიკაციის ორივე ეტაპის შედეგების შესახებ მაძიებელს აცნობებს სერტიფიკაციის ორგანო. შეტყობინება იგზავნება ელ. ფოსტის საშუალებით. სერტიფიკაციაზე დადებითი შეფასების შემდგომ სერტიფიცირებული პირის მონაცემები (სახელი, გვარი, საკონტაქტო ინფორმაცია) აისახება სერტიფიცირებულ პირთა რეესტრში. სერტიფიცირებული პირების თანხმობის შემთხვევაში, ინფორმაცია გამოქვეყნდება სერტიფიკაციის ორგანოს ვებგვერდზე.
6. სერტიფიკატის გაცემა და ვადა
საგამოცდო პროგრამის შედეგების მიხედვით პერსონალის სერტიფიკაციის შესახებ გადაწყვეტილებას იღებს სერტიფიკაციის ორგანოს ხელმძღვანელი, სერტიფიკაციის პროცესში მიღებული ინფორმაციის საფუძველზე (განაცხადი სერტიფიკაციაზე და თანდართული დოკუმენტები, ტესტირების და პრაქტიკული გამოცდის შედეგები).
სერტიფიკატი ფორმდება ერთიანი ფორმის ბლანკზე, რომელსაც ხელს აწერს სერტიფიკაციის ორგანოს ხელმძღვანელი და დასტურდება ორგანოს ბეჭდით. სერტიფიკატის ასლი ინახება სერტიფიკაციის ორგანოში.
სერტიფიკაციის ორგანოს მიერ გაცემული სერტიფიკატები რეგისტრირდება სერტიფიკაციის ორგანოს რეესტრში.
სერტიფიკატის შენახვაზე პასუხისმგებელია მისი მფლობელი. დაკარგვის შემთხვევაში მფლობელმა დაუყონებლივ უნდა აცნობოს სერტიფიკაციის ორგანოს.
სერტიფიცირებული პირი ვალდებულია დაუყოვნებლის აცნობოს სერტიფიკაციის ორგანოს, იმ საკითხების თაობაზე, რომლებმაც შესაძლოა გავლენა მოახდინოს პირის უნარზე, შეასრულოს სერტიფიკაციის მოთხოვნები.
სერტიფიკატის მოქმედების ვადა განისაზღვრება 2 წლით.
სერტიფიკატის ფლობა არ ავალდებულებს სერტიფიცირებულ პირებს იყვნენე რომელიმე ასოციაციის ან ჯგუფის წევრები და გადაიხადონ საწევრო.
7. აპელაცია
აპელაცია - სერტიფიკატის მაძიებელი უფლებამოსილია სერტიფიკაციის პროცესში რაიმე პრეტენზიის არსებობის შემთხვევაში მიმართოს სერტიფიკაციის ორგანოს აპელაციით და მიიღოს შესაბამისი განმარტება.
სერტიფიკაციის ორგანო ადასტურებს აპელაციის მიღებას და აცნობოს აპელანტს აპელაციის განხილვის მსვლელობისა და შედეგების შესახებ.
მიუკერძოებლობის პრინციპის დაცვის მიზნით აპელაციის განხილვის დროს არ მონაწილეობს ის პერსონალი რომელიც დაკავშირებულია აპელაციასთან.
დაუშვებელია აპელაციის მიღების, გამოძიებისა და გადაწყვეტისას აპელანტის დისკრიმინაცია.
სერტიფიკატის მაძიებელს გამოცდის შედეგების მიმართ პრეტენზიის არსებობის შემთხვევაში, მათი გაცნობიდან 5 დღის ვადაში უფლება აქვს სერტიფიკაციის ორგანოში შეიტანოს აპელაცია. აპელაციას განიხილავს შექმნილი საპროცედურო კომიტეტი, რომელშიც შედიან დამოუკიდებელი ექსპერტები. კომიტეტი განიხილავს პრეტენზიას და გამოიტანს გადაწყვეტილებას შედეგების შენარჩუნების ან კორექტირების შესახებ. აპელაციის მიმდინარეობა წერილობით ფორმდება ოქმის სახით.
სერტიფიკაციის ორგანო ამზადებს და უგზავნის წერილობით პასუხს მაძიებელს აპელაციის მიღებიდან 20 დღის ვადაში და ასევე, საჭიროების შემთხვევაში, უზრუნველყოფს შესაბამის შესწორებებს და მაკორექტირებელ ქმედებებს .
8. სერტიფიცირებულ პირთა ინფორმაციული უზრუნველყოფა და კვალიფიკაციის ამაღლება
სერტიფიკაციის ორგანო სერტიფიკატის ვადის ამოწურვამდე უზრუნველყოფს სერტიფიცირებულ სპეციალისტებს სათანადო ინფორმაციით და კონსულტაციებით სერტიფიკაციის სფეროებში არსებული საკანონმდებლო და ნორმატიული სიახლეების, ბაზრის თანამედროვე მოთხოვნებისა და საერთაშორისო და ადგილობრივი სტანდარტების შესახებ.
9. რესერტიფიკაცია
რესერტიფიკაციის მიზანია სერტიფიცირებული პერსონალის ბაზრის მოთხოვნებისადმი მუდმივი შესაბამისობა. სერტიფიკაციის ორგანო, რესერტიფიკაციას მხოლოდ მის მიერ სერტიფიცირებული პირებისთვის ახორციელებს.
რესერტიფიკაცია შესაძლებელია მხოლოდ სერტიფიცირებულის სტატუსის უწყვეტად შენარჩუნების შემთხვევაში.
რესერტიფიკაციის მსურველები ვალდებულნი არიან სერტიფიკატის მოქმედების ვადის გასვლამდე 3 თვით ადრე შეავსონ რესერტიფიკაციის განაცხადი და მიუთითონ სერტიფიკატის მოქმედების ვადის პერიოდში მათ მიერ, მოძრავი ქონების შეფასების სფეროში, განხორციელებული სამუშაოების მოცულობა (სტატისტიკა), რაც დაადასტურებს საშემფასებლო საქმიანობაში ჩართულობას და შემფასებლის გამოცდილებას. ასევე, რესერტიფიკაციის მსურველებმა, სერტიფიკაციის ორგანოში უნდა წარადგინონ, სერტიფიკატის მოქმედების განმავლობაში განხორციელებული სამუშაოებიდან შერჩეული შეფასების ანგარიში, რომელიც შესრულებული უნდა იყოს მინიმუმ 2 მიდგომით.
ანგარიშის განხილვა ხდება სერტიფიკაციის ორგანოს ექსპერტების მიერ. (ანგარიშის განხილვა შესაძლებელია დისტანციური მეთოდით). შეფასება შეიძლება იყოს დადებითი ან უარყოფითი. დადებით შეფასებას დაიმსახურებს მაძიებელი, თუ:
მის მიერ შესრულებული შეფასების ანგარიში შედგენილია შეფასების საერთაშორისო სტანდარტების (IVS) მოქმედი ვერსიის მოთხოვნების შესაბამისად.
მაძიებლის საგამოცდო შედეგები გადაეცემა სერტიფიკაციის ორგანოს საბოლოო გადაწყვეტილებისათვის.
რესერტიფიკაციის შედეგების შესახებ მაძიებელს აცნობებს სერტიფიკაციის ორგანო.
რესერტიფიკაციის დადებითად გავლის შემთხვევაში გაიცემა ახალი სერტიფიკატი ორწლიანი მოქმნედების ვადით.
თუ სერტიფიცირებული პირი, სერტიფიკაციის ორგანოს მიმართავს აღნიშნული ვადის დარღვევით და სერტიფიკატის მოქმოდების დასრულებამდე დარჩენილია 1 თვეზე ნაკლები, მისი განაცხადი არ გაინხილება როგორც რესერტიფიკაცია და სერტიფიკატის მისაღებად, მაძიებელი საგამოცდო პროგრამას გაივლის ამ სქემის მე-5 მუხლის შესაბამისად.
რესერტიფიკაციის საფასური დგინდება სერტიფიკაციის ორგნოს მიერ.
10. რეესტრი
სერტიფიკაციის ორგანო აწარმოებს სასერტიფიკაციო რეესტრს. რეესტრი მოიცავს ინფორმაციას სერტიფიკატის გაცემის, მოქმედების ვადის გაგრძელების, მათი მოქმედების შეჩერებისა და განახლების, მათი გაუქმების და სერტიფიკატის ასლების გაცემის თაობაზე. მონაცემები სასერტიფიკაციო რეესტრში შეიტანება გადაწყვეტილების მიღებიდან 3 დღის ვადაში.
სასერტიფიკაციო რეესტრში შეიტანება:
• მონაცემები სერტიფიკატის მფლობელის შესახებ;
• სერტიფიკატის მოქმედების ვადა;
სერტიფიცირებულ პირთა რეესტრი საჯაროა და განთავსებულია სერტიფიკაციის ორგანოს ვებგვერდზე.
11. ზედამხედველობა
სერტიფიცირებული სპეციალისტების მიერ გაწეული მომსახურების ხარისხის უზრუნველყოფისა და სერტიფიკატის “რეპუტაციის“ შენარჩუნების მიზნით, სერტიფიკაციის ორგანო მუდმივად განახორციელებს მის მიერ სერტიფიცირებული სპეციალისტების საქმიანობის ზედამხედველობას:
• შეისწავლის სერიტიფიცირებული სპეციალისტების საქმიანობასთან დაკავშირებულ მომხმარებლების/დამკვეთების განცხადებებსა და საჩივრებს.
• იხილავს სახელმწიფო დაწესებულებებიდან მიღებულ დასკვნებსა და მოსაზრებებს სერტიფიცირებულ პირთა მიერ შესრულებული სამუშაოების ხარისხზე.
საჭიროების შემთხვევაში, განიხილავს სერტიფიცირებული სპეციალისტებისთვის პროფესიული პასუხისმგებლობის დაკისრების საკითხს.
12. სერტიფიცირებული პირის პასუხისმგებლობა
12.1 პროფესიული პასუხისმგებლობა არის სერტიფიცირებული პირის მიერ პროფესიული საქმიანობის სტანდარტების და ეთიკის ნორმების დარღვევისათვის გათვალისწინებული პასუხისმგებლობა.
სერტიფიცირებული პირი უნდა:
- პასუხობდეს სერტიფიკაციის სქემის მოთხოვნებს;
- გააკეთოს მითითება სერტიფიკაციასთან დაკავშირებით, მხოლოდ იმ სფეროს გათვალისწინებით, რომლის მიხედვითაც სერტიფიკატი გაიცა.
- არ გამოიყენოს სერტიფიკატი იმ მიზნებისთვის, რომელიც საფრთხეს უქმნის სერტიფიკაციის ორგანოს რეპუტაციას და არ გააკეთოს განცხადებები, რომლებიც შეცდომაში შემყვანი და არასანქცირებულია.
- სერტიფიკატის გამოყენება არ უნდა იყოს შეცდომაში შემყვანი.
- სერტიფიცირებული პირი ვალდებულია აცნობოს სერტიფიკაციის ორგანოს, იმ საკითხების თაობაზე, რომლებმაც შესაძლოა გავლენა მოახდინოს პირის უნარზე, შეასრულოს სერტიფიკაციის მოთხოვნები.
- სერტიფიცირებული პირი ვალდებულია შეწყვიტოს სერტიფიკაციასთან დაკავშირებული საქმიანობა, სანამ მისი სერტიფიკატი შეჩერებულია.
- სერტიფიცირებული პირი სერტიფიკატის გაუქმების შემთხვევაში ვალდებულია შეწყვიტოს სერტიფიცირებულის სტატუსზე მითითების გამოყენება.
სერტიფიცირებულ პირებს არ აქვთ უფლება, გამოიყენონ სერტიფიკაციის ორგანოს ლოგო. სერტიფიკაციის ლოგო დატანილია სერტიფიკატზე დამცავ ნიშნად და წარმოადგენს სერტიფიკატის ნაწილს.
12.2 პროფესიული პასუხისმგებლობის საფუძველია:
დამკვეთის ან სხვა გამიზნული მომხმარებლის განცხადება ან საჩივარი;
• იმ დაწესებულების ხელმძღვანელის განცხადება ან საჩივარი, სადაც მუშაობს სერტიფიცირებული პირი;
• იმ დაწესებულების წერილობითი განაცხადი, რომელსაც წარედგინა სერტიფიცირებული პირის მიერ შექმნილი დოკუმენტი;
განცხადება ან საჩივარი წარდგენილ უნდა იქნეს წერილობითი ფორმით და შეიცავდეს:
• განმცხადებლის ან მომჩივანის ვინაობას;
• სერტიფიცირებული პირის ვინაობას, რომელსაც ეხება განცხადება ან საჩივარი;
• განცხადების ან საჩივრის არსსა და მოთხოვნას. კერძოდ, მითითებული უნდა იყოს საკითხები, რომლებსაც განმცხადებელი/მომჩივანი მიიჩნევს სადაოდ (გარდა ღირებულების მნიშვნელობისა);
• სხვა გარემოებებს.
ანონიმური წერილები და შეტყობინებები არ შეიძლება საფუძვლად დაედოს შემფასებლის პროფესიული პასუხისმგებლობის საკითხის განხილვას.
პროფესიული პასუხისმგებლობის სახეებია:
• წერილობითი გაფრთხილება (სარეკომენდაციო წერილი);
• სერტიფიკატის მოქმედების შეჩერება;
• სერტიფიკატის გაუქმება.
წერილობითი გაფრთხილება (სარეკომენდაციო წერილი) - გაიცემა პირველ დარღევის შემთხვევაში და იმ შემთხვევაში თუ დარღვევა, კომისიის მიერ მიიჩნევა მსუბუქ დარღვევად (ტექნიკური და მექანიკური ხასიათის შეცდომები). სერტიფიკაციის ორგანო გასცემს რეკომენდაციებს და ახდენს მონიტორინგს შემფასებლის მიერ რეკომენდაციების გათვალისწინების თაობაზე. შემფასებელი ვალდებულია ხარვეზი 30 კალენდარული დღის განმავლობაში გამოასწოროს და წარუდგინოს სერტიფიკაციის ორგანოს (კორექტირებული ანგარიში და დოკუმენტაციები).
სერტიფიკატის მოქმედების შეჩერება - გაიცემა დარღვევის რამდენჯერმე განმეორების შემთხვევისას ან იმ შემთხვევაში თუ შემფასებელი არ გაითვალისწინებს მიღებულ რეკომენდაციებს. (სერტიფიკატის შეჩერება განისაზღვრება 2 თვის ვადით).
სერტიფიკატის გაუქმება ხდება იმ შემთხვევაში:
სერტიფიცირებული პირის მიერ შეუძლებელია ჩადენილი ხარვეზის აღმოფხვრა;
ხარვეზი გამოწვეულია შემფასებლის არაკეთილსინდისიერი ქცევით;
შემფასებელი უგულებელყოფს სტანდარტის და სერტიფიკაციის ორგანოს მოთხოვნებს;
სერტიფიკატის შეჩერების 3-ჯერ არსებობის შემთხვევაში.
სერტიფიცირებული პირი, სერტიფიკაციის ორგანოში, მოთხოვნისამებრ, აბრუნებს სერტიფიკაციის შესახებ ნებისმიერ დოკუმენტს. ამასთან, იგი ვალდებულია არ გამოიყენოს სერტიფიკაციის სტატუსზე მითითება და შეწყვიტოს სერტიფიკაციასთან დაკავშირებული საქმიანობა.
სერტიფიცირებულ პირს უფლება აქვს, საქართველოს კანონმდებლობით დადგენილი წესით, გაასაჩივროს პროფესიული პასუხისმგებლობის ნებისმიერი სახე.
პირს რომელსაც გაუუქმდა სერტიფიკატი 1 წლის განმავლობაში არ აქვს უფლება მონაწილეობა მიიღოს სერტიფიკაციის პროცედურაში.
12.3 პროფესიული პასუხისმგებლობის შეფარდების წესი:
• პროფესიული პასუხისმგებლობის საკითხს იხილავს ექსპერტებისგან შემდგარი კომისია, რომლის შემადგენლობაში შედის როგორც სერტიფიკაციის óორგანოს შესაბამისი ექსპერტები ასევე მოწვეული ექსპერტი(ები)
• პროფესიული პასუხისმგებლობის სახის შეფარდებისას გათვალისწინებულ უნდა იქნეს ჩადენილი დარღვევის სახე, შედეგი, მიზანი, მოტივი.
• გადაწყვეტილება უნდა იყოს დასაბუთებული და მიღებიდან 3 დღის ვადაში ეცნობოს სერტიფიცირებულ პირს, აგრეთვე განმცხადებელს ან მომჩივანს. ამასთან, გაკეთდეს შესაბამისი აღნიშვნა სასერტიფიკაციო რეესტრში.
